用戶心聲 - iCounseling International Company Limited

最深刻都係凡事唔好咁鑽牛角尖啦。可能認識自己嘅缺點、弱點，跟住轉化思想，定target俾自己，康復之後想點樣……幫助自己慢慢、慢慢、慢慢步向佳景……上完八課轉化思想快好多，我覺得負面嘅嘢其實係懲罰緊自己。

我覺得呼吸法最容易掌握得到，psychically咁做動作，幫個人去calm down。我而家有時覺得自己透唔到氣、情緒開始失控嘅時候，我會走入廁所唞順條氣先……呼吸有助舒緩情緒，跟住練習一吸一呼，令自己平靜一些，早晚咁做，對自己個情緒好大幫助。

最大幫助就係聽嗰啲錄音，即係呼吸嗰度，通常我早晚就開嚟聽，跟住就會個人平靜咗好多，即係情緒冇咁緊張。持之以恆咁做，促使我完成八課，非常好呀﹗腹式呼吸是幫到我放鬆的技巧。

學呼吸法對我有幫助，個人平靜D，瞓覺好少少，幫我放鬆……冇咗輔導員打電話比我，可能就唔會咁快囉，可能會慢啲囉﹗揀電話傾計，好多嘢可以隨意啲囉﹗唔洗面對面咁尷尬。

因為好多時知道自己有抑鬱情緒，但係冇解決方法。這計劃每個星期都有輔導員工提吓我，寫吓diary，睇啲case study，做噃啲testing，即係自己有解決問題的機會。

參加這個計劃想自己更加快復原，復原得更加好，減少病發機會，自己awareness高啲，認識個病多啲……最主要教我點樣轉化思想，即係唔好走向死角……思考偏差模式幫助我明白自己的問題。

我覺得電話會舒服啲，見不到個人嘛。同埋又不知她是邊個，會放心。佢好耐心，我話俾佢聽我唔得、唔識，佢好有條理咁教我，佢話「唔識唔緊要」，如果唔得嘅呢可以搵支援部幫我睇吓，喺啲程式上可唔可以第日會做噃啲改進，令到我哋能夠容易啲、可以做得舒服啲，唔洗我哋好似盲頭烏蠅咁樣。

做呼吸練習，跟很溫柔的聲音做、很舒服、很容易平伏情緒……佢都係一個好資深好有經驗嘅輔導員，我有啲心結仍然未解開，咁我consult吓佢啲意見……或者遇到啲咩問題可以同個輔導員講。

即使我是跨性別人士，輔導員是女性，也願意聆聽，傾一些少與人傾的話題。

我覺得佢除咗教我認知行為之外，有時情緒以外嘅嘢佢都會教埋我……有時我哋傾嘢甚至乎可能係認知行為以外嘅嘢……再加上她幫我喺日常生活度再去講解，我覺得她嗰部分係好佔重要……我好想去改變自己，多啲認識自己個感受，從而容易啲去理解人哋嘅感受。佢就教咗我方法、呢個係認知行為以外嘅嘢。

靜觀幫到我更加專注，專注在這一刻，現在這一刻，就不會整日想起以前不開心的東西，或者為了將來一些未發生的東西去擔心，所以減低了很多的焦慮。

我學了靜觀，學懂如何深呼吸，就知道停一停，想一想，專心留意自己身體的感覺。

我覺得輔導員亦師亦友，她對我好大幫助，她好耐心，我覺得她好親切，同埋她好有技巧，好識讚人……有時我whatsapp，即係技術上嘅嘢，比如我點解一路都登入唔到，或者我一路都登出唔到呢？我都會話番俾她聽係邊個步驟有問題，我希望即時反映俾她聽，等她又幫我睇吓。

ICBT幫我的thinking process可以有條理啲，幫自己走出情緒嘅困局，果效是困擾憂慮由６分去到２分，咁其實已經係一個好大嘅進步……最能夠感動到我的就係轉化思想，我改變自己的思想方式，懂得保護自己，自己醒目左。情緒量度尺、腹式呼吸、同埋個轉化思想，這三樣嘢我就用得最多，我覺得好實用。

我對自己在ICBT課程的收穫是滿意的。上完後，一向緊張的我，現在清楚自己不需要諗太多，只要採取行動，去處理令自己緊張的事情，便是最好的做法，在ICBT課程中就有這樣成功的經驗﹗參加咗呢個計劃之後呢，有啲內容提到思想轉移，改變咗我可以將件事唔係諗得太差，或者太唔好嗰方面。

在計劃中，簡單啲講，我學到唔好jumpy to conclusion(妄下判斷)、唔好咁快去跳躍思考、跳到conclusion、唔好咁多must等的思考陷阱﹔有時我都會aware自己抑鬱情緒，個意識會提高咗。

轉化思想能夠幫我去舒緩情緒，知道自己有負面思想，就轉化思想，轉化完之後，就會開心D，就會自然放鬆，個人冇咁煩躁。我更加留意到自己災難化的思想，留意到自己的優點。

其實電話同面對面都冇乜分別架。如果大家都係咁忙，又可以慳番D時間，我覺得電話係好好多。

我發現靜觀其實可以改善睡眠的問題，因為我平時是一個有少少焦慮的人，雖然沒有焦慮症，但遇到問題或壓力都會睡不著，這時，我會選擇訓練靜觀。訓練完之後，覺得自己變得更加平和或者舒服的。之後都覺得自己沒有那麼焦慮，現在我也會推薦身邊的朋友訓練靜觀，因為它都是很有用的﹗

練習靜觀，亦都讓我察覺到原來自己是有一個慣性的負面情緒，當這些情緒再來的時候，我知道我原來有方法的，我是有選擇的，我可以讓自己靜一靜，給一個空間自己，我不再是給情緒牽著我的鼻走，那麼我的生活，我覺得輕鬆自在了，而我的情緒波動也減輕了很多。

做了靜觀之後，不單止我的情緒放鬆了，壓力減少了，連腸胃也好了，因為我用了靜觀飲食方式，慢慢咀嚼，感受到食物吞入肚的感覺，以及身體的感覺。自從用了這個方法去飲食之後，我的胃酸過多，以及胃部脹痛得以改善。

我有時面談，傾傾吓又喊，咁好尷尬，我喺whatsapp同佢傾，佢又見唔到我喊，我覺得好似自在啲……她把聲好溫柔，佢嗰個溫柔令到我聽落去好舒服……一路講「加油呀！」好得意呀，真係想聽落去……佢會間唔時push吓我﹕你繼續做啦，解鎖咗我地呢一課就到下一課啦。佢都會鼓勵我……拆解緊我講緊嘅嘢……佢令我更加了解自己。

電話好啲，唔洗浪費時間，喺手機簡單啲，一開就開到嚟做……有人從旁輔助下你，好啲。因為如果純粹就咁做８個星期，人真係有惰性嘛，即係你會覺得今日好攰呀唔做住啦，咁又拖下聽日呀、後日呀，即係未必真係８個星期完成到囉。

我每晚臨睡前，都會抽十分鐘，做一做靜觀練習，將整日緊張的情緒，及不開心的事情放下，令身體進入完全放鬆的狀態，我很開心用這方法，我的失眠困擾，就解決了。

我瞓覺時會做呼吸練習，也定期做mindfulness，有時聽下音樂放鬆，這些對我都有幫助。

情緒in general我覺得好咗嘅。每一次遇到有情緒困擾嘅時候，自己都要花啲時間去走番出嚟，咁但係一次比一次需要嘅時間係短嘅。

呼吸法是最實際，最簡單一個方法去放鬆自己，最能幫到我。

<< 回到iCounseling幫到你

分享此文：